KOROANDAL CITY – Napunggan sang militar ang komunista nga grupo nga NPA makaligad ginhana sang mga ini nga manggamo sa tunga sa pagpanagtag sang SAP sa mga residente sang North Cotabato.
Ini ang ginpakigbahin ni Lt. Col. Edgardo Vilchez, ang spokesperson sang 6th ID Philippine Army sa interbyu sang Bombo Radyo Koronadal.
Suno sa opisyal, malinong suno pa ang pagpanagtag nila sang relief operations sa iban nga probinsya, magluwas na lamang sa North Cotabato bangud sa nasambit nga engkwentro sa tunga sang militar kag rebelde nga grupo nga sa ulihi nakontrol ang sitwasyon.
Sa subong padayon ang ila operasyon agud masiguro ang kalinong sa rehiyon sang Mindanao sa pihak sang kabalaka sang covid-19 mangin ang lawless groups.
Sa pihak sini, nagpahayag man ini sang suporta kun ano man ang desisyon sang gobyerno kun igapatuman ang martial law sa pungsod.
