KORONADAL CITY – Gin-ako ni Jolo, Sulu Vice Mayor Ted Tan nga madugay na kag padayon sila sa gihapon nga nagabaton sang pagpanghadlok kag pagpamahog halin suno pa sa pila ka mga nagapakilala nga mga terorista nga grupo.
Suno sa bise alkalde sa eksklusibo nga interbyu sang Bombo Radyo Koronadal, halos kada adlaw na lamang sila may nabaton nga mga pagpamahog.
Ginpakigbahin pa sang bise-alkalde nga wala sila nagkulang nga hatagan ini sang atensyon kaupod ang PNP kag AFP sa pagdakop sa mga nasambit nga grupo.
Dugang pa sini nga misteryoso sa gihapon ang pila ka grupo sa pihak sang hugot nga seguridad nga ginpatuman sa banwa.
Panawagan naman ni vice mayor Tan sa iya mga pumuluyo nga magpangamuyo kag tigayon na nga matapos ang kalakasan nga nagaluntad sa ila lugar. Bangud sa panghilitabo, gindeklarar ang ‘total lockdown’ sa nasambit nga banwa.
