Pagpahalin sa LP members nga may majority kag committee posts sa senado, mangin dako nga butang agud makapasar ang death penalty bill sa upper house- Gov. Fuentes

KORONADAL CITY- Dako ang tyansa nga mapasar man sa Senado ang death penalty bill matapos nga aprubado na ini sa lower house sa ginpatigayon nga botohanay para sa ulihi nga pagbasa.

Ginpahayag ni South Cotabato Governor Daisy Avance-Fuentes nga dako nga butang ang pagpahalin sa Liberal Party Members nga may majority kag committee posts sa senado para mapasar ang death penalty bill sa upper house nga amo ang ginaduso sang Duterte Administration bangud naman sa ginatawag super majority.

Kaangot sini, ginpahayag pa sang gobernadora nga kinahanglan lamang nga mapasar sa una katuig nga pagpungko bilang presidente ni Duterte ang mga hagna nga luyag niya ipatuman bangud sa panahon nga ini pinakamataas ang approval rating sang isa ka presidente.