Ginakuha man nga oportunindad sang iban nga mga tawo ang Undas agud pangabuhian pamaagi sa paglimyo kag pagpinta sang pantiyon sang ila nagtaliwan nga mahal sa kabuhi.
Nagabalor sang P100 ang pagpinta sang puti sa mga apartment type nga pantiyon, samtang P150 naman kung magpa-lettering sang ngalan sa lapida.
Ini ang nagin pahayag ni “Kuni” isa ka tricycle driver sa interview sang Bombo Radyo Koronadal.
Suno kay Manong Kuni, nga nagasideline siya sa pagpanglimpyo kag pagpaminta sang mga pantiyon sa public cemetery.
Suno saiya 15 years niya na ginahimo ini nga nagin source man sang iya pangabuhi kun magpalapit na ang adlaw sang Udas.
Samtang kun bilog nga pantiyon naman nga may balay-balay nagabalor naman ini sang P500-550 ukon nakadepende sa kadakuon kag detalye sini.
Nahibaluan nga sa duha ka pantiyon nga napinturahan kag nalimpyuhan nakakolekta na ini sang P1,000.
Sa karon, apisar aminado ini nga mabudlay apang nagapursige sa gihapon agud nga makakwarta.
