KORONADAL CITY – Posible nga may kaangtanan sa obra ang nagluntad nga pagpangluthang sa isa ka provincial prosecutor kag mga himata sini sa Cotabato City.
Ini ang ginpahayag ni PCol. Portia Manalad, ang police city director sang Cotabato PNP sa ekslusibo nga interbyu sang Bombo Radyo Koronadal.
Dugang ni Col. Manalad, tubtob sa subong ginahibalo pa nila ang posible nga persons of interest sa pag-ambush sa mga biktima nga sanday Maguindanao provincial prosecutor Atty. Tucod Ronda kag sa iya mga himata nga sanday Abol Taya Ronda kag Nestor Ronda sa bahin sang Penafrancia Village, Brgy. Rosary Heights 11 kahapon.
Kinahanglan suno pa nila sang dugang nga mga ebidensiya kalakip na ang mga CCTV footage kag mga statement sang mga testigo angot sa nasambit nga krimen.
Nahibaloan nga yara sa luwas nga kahimtangan si Atty. Ronda apang yara sa kritikal nga kondisyon ang duha ka himata sini.
Narekober sa crime scene ang 5.56 kag .45 nga mga kalibre sang mga armas halin sa mga suspek.
Sa subong ginakabig nga isolated case sang mga otoridad ang nasambit nga panghitabo.
