KORONADAL CITY –Luyag lamang suno pa nga punggan ni Pangulong Rodrigo Duterte ang paglala sang kalakasan kag terorismo sa isla sang Mindanao nga tuga sang mga rebelde kag iligal nga droga rason nga nagpaandam ini nga magadeklarar sang Martial law.
Ini ang panan-awan ni Mayor Reynaldo Tamayo Jr, alkalde sang banwa sang Tupi kag presidente sang Provincial League of Mayors sa South Cotabato.
Suno kay Tamayo, dako ang posibilidad nga magadeklarar sang Martial law si Pangulong Duterte kun wala sang kooperasyon gikan sa kanila.
Apang, ginpasiguro naman ni Tamayo nga indi magpasugot ang mga local chief executives nga matigayon ang pamahog nga ini sang pangulo rason nga magahulag sila agud mabuligan ini.
Positibo naman suno pa ang response sang mga opisyal sa Mindanao sa hingyo nga kooperasyon ni Pangulong Duterte agud mapabilin ang peace and order sa taga nila ka mga lugar.
