May patong na sa ulo nga P10 milyon si Kingdom of Jesus Christ Pastor Apollo Quiboloy kag ini ang igahatag sa sin-u-man nga makahatag sang impormasyon sa ginapanaguan sini.
Ini ang gin-anunsyar mismo ni Department of Interior and Local Government (DILG) Sec. Benhur Abalos agud tigayon nga madakpan si Pastor Quiboloy.
Samtang, may tig-P1 milyon naman nga patong sa ulo ang mga kaupdanan sini nga sanday Cresente, Paulene, Ingrid Canada, Sylvia Cemanes Jackielyn Roy.
Suno kay Abalos, makabulig sang dako ang nasambit nga reward money agud mas mahapos nga madakpan ang mga pugante.
Sa karon, nagalaum ang kapulisan nga madakpan na sang dalayon si Quiboloy kag ang mga kaupdanan sini nga nagapanago sa laye.
Madumduman nga nagapangatubang sang patong-patong nga kaso si Quiboloy.
