KORONADAL CITY-Nagapati si South Cotabato Police Provincial Director Senior Superintendent Franklin Alvero nga organisado nga criminal group ang yara sa likod sang naghana magtiro sa mga pulis nga nagapatigayon sang checkpoint sa Polomolok, South Cotabato.
Ini matapos mapatay sang Polomolok PNP ang isa sa mga suspek nga samtang nakalagyo naman ang duha nga kaupdanan sini kasunod sang hana nga paulanan sang bala ang mga kapulisan nga naga checkpoint.
Nahibaluan nga nakaangkon pa sang engkwentro antes gilayon mapatay sang PNP ang isa sa mga suspek nga sa subong padayon nga ginatumod.
Dugang pa nga kasubong nga bag-o na ang ila nga estilo bangud tatlo na ang mga ini nga nagasakay sa motorsiklo kun sa diin ginapapanaog ang isa agud nga magpatay sa katapo sang PNP.
Sa subong padayon pa ang imbestigasyon angot sa nasambit nga panghitabo.
