KORONADAL CITY– Mas friendly ang approach sang mga pulis ilabi na sa probinsya sang SulKud sa pagpatuigayon sang ila Oplan Tokhang 2 nga malayo suno pa sa una nga implimentasyon sini sadto para sa mga durugista.
Nalipay ang pamilya sang pila sa mga drug surrenderees bangud nangin maayo kag friendly ang approach sang Sultan Kudarat PNP kun sa diin kaupod sang mga ini sa pagpatigayon sang Oplan Tokhang ang mga myembro sang religious sectors nga kristyano kag muslim, municipal health officers kag mga lokal nga opisyal sang barangay.
Kadungan sang pagpatigayon sang Oplan Tokhang, may yara man sang kamustahan, lecture sang mga religious leaders, kag nagpatigayon man sang mga aktibidad nga tinutuyo amuh ang mabalik sa normal ang kabuhi sang mga durugista kag makalikaw na sa bisyo.
Sa Karun nag-angkon sang pagdayaw sa mga pumuluyo ang bag-o nga bersyon sang Oplan Tokhang sa nasambit nga probinsya.
