KORONADAL CITY– Nag-untat na ang ginpatigayon nga opensiba sang militar batuk sa mga rebelde kag terorista nga grupo sa boundary sang Maguindanao kag North Cotabato.
Ini ang ginkumpirmar ni Lt. Colonel Roberto Breboneria, spokesperson sang 6ID Phil Army sa esklusibo nga interbyu sang Bombo Radyo Koronadal.
Suno kay Lt Col Breboneria, ginapabalik na ang mga nagbarakwit nga mga residente nga apektado sang surgical military operations batuk sa Bangsamoro Islamic Freedom Fighters ukon BIFF sa SPM Box ukon ang banwa sang Saudi Ampatuan, Datu Salibo, Mamasapano kag Shariff Aguak sa Maguindanao makaligad nga nagtakop na ang operasyon sang militar sang Agosto 4, 2019 pa.
Ginpahayag man sini nga wala na sa SPMS Box ang BIFF kun sa diin naka-angkon sang engkwentro sang Hulyo 25 kun sa diin 15 ka BIFF ang napagkit nga patay lakip na ang isa ka suldado sa air toground assault sa boundary sang Shariff Saidona Mustapha, Maguindanao kag Pikit, North Cotabato.
Sa karon, suno pa gina-awhag na sang mga otoridad ang yara sa 1,500 ka pamilya ukon 7,500 individuals nga luwas na ang ila nga pagbalik sa ila nga puluy-an makaliad ang 2 ka semana nga military operations.
Sa pihak sini, nagapadayon sa gihapon ang monitoring sang Militar agud nga tigayon na nga malimpyuhan ang probinsya batuk sa mga BIFF.
