KORONADAL CITY- Nagpangayo sang bulig sa Bombo Radyo ang isang Overseas Filipino Worker halin sa syudad sang Koronadal kag kasamtangan nga nagatrabaho sa Saudi Arabia sa sulod na sang anum ka bulan sa amo sini nga si Mobark Naser Alshahrni.
Ini makaligad pila ka bes ini nga ginlugos sang iya amo nga pulis sang nakaligad nga adlaw.
Sa interbyu sang Bombo Radyo Koronadal kay alyas Jen, 33 anyos nagluntad suno pa ang pagpanglugos sa iya sang mag out of town ang mga amo sini nga mga tigulang kag nabilin sa puluy-an ang bata sini nga pulis nga ginkilala lamang sa pangalan nga Abdullah kun sa diin wala suno pa sini ginhuna-huna nga pagaluguson sya sang pulis bangud wala ini nagapanapak sa iya kag tuman ka istrikto.
Kaagahon sang ginsulod sya sa iya nga kwarto kag masobra tatlo ka oras nga gin-abuso sang suspek kun sa diin wala ini sang nahimo sa kahadlok nga luthangon sya sini kag nakaangkon man sang mga lagob sa kalawasan ang biktima.
Sa karun tuman nga trauma kag kahadlok ang iya gina agyan ilabi pa nga mangin ang utod sang suspek ang ginaplanuhan man ini nga luguson makaligad pakitaan sang iya nga kinatawo samtang nagatrabaho.
