KORONADAL CITY– Ginka-alarma sa karon ang nagasaka nga numero sang mga nagahikog sa probinsya sang South Cotabato.
Ini ang kasunod sang napagkit nga 29 ka numero sang mga nagahikog sa nagkalain-lain nga banwa sa probinsya humalin sang Enero tubtob Hulyo subong nga tuig.
Kaangot sini, ginmando na ni South Cotabato Governon Reynaldo Tamayo Jr ang pagpatuman sang mental health program.
Suno kay Tamayo, magadihon suno pa ini sang special body nga makig-angot sa Population Office kag Integrated Provincial Health Office sa pagpatuman sang nasambit nag programa.
Importante man suno pa nga maka-angkon kag mag-hire sang psychiatrist sa probinsya nga magatutok sa mga may problema nga gina-agyan.
Nahibaluan nga asod-asod na ang insidente sang hikog ang napagkit sa probinsya kag ang pinaka-ulihi amuh ang natabo sang Hulyo 10 kun sa diin isa ka lalaki ang naghikog patay bangud sa ginasuprer nga balatian.
