KORONADAL CITY– Ginkumpirmar ni Police Chief Inspector Ramil Villagracia hepe sang T’boli PNP nga ginsulod sang rebelde nga New People’s Army ang Brgy. Tudok, T’boli, South Cotabato.
Suno kay Villagracia, ginsulod sang yara sa 18 nga armado nga myembro sang NPA ang nasambit nga barangay sa pagpanguna ni kumander Rai-Rai sang NPA front 73.
Ginsulod suno pa sang mga ini ang puluy an sang BPATs chief nga si Mario Palau kun sa diin ginkuha sang mga rebelde ang 1 M16 Rifle, 1 Garand Rifle kag mga bala.
Matapos suno pa nga madis-armahan si Palau ginsunod ang balay sang Barangay Secretary nga si Emion Inggo kun sa diin ginkuha sang mga rebelde ang 1 carbine rifle.
Samtang nagapadayon naman ang imbestigasyon sang T’boli PNP sa nasambit nga panghitabo.
Sa pihak nga bahin, sa interbyu sang Bombo Radyo Koronadal kay 27th IB commander Lt. Col. Benjamin Leander, ginahibalo pa nila kun sa diin nagpadulong ang mga armado agud nga magpatigayon sang Hot pursuit operation.
Suno kay Col. Leander si kumander Rai-Rai ang isa sa mga nagapamuno sa Special Operations sang NPA kun sa diin isa man ini sa mga suspek sa pagpanunog, extortion kag iban pa.
