PIKIT, NORTH COTABATO – Nagsaka pa sa masobra isa ka libo nga pamilya gikan sa tatlo ka barangay sang Pikit, North Cotabato ang nagbakwit kasunod sang inaway sang duha ka magkaaway nga pamilya nga mga katapu sang MNLF kag MILF.
Suno kay Pikit Mayor Sumulong Sultan ang mga bakwit ang nagikan sa mga Barangay Balongis, Nuangan kag Balatican nga nabudlayan man sila karon bangud sa kasamtangan nga nagapuasa.
Una nga nag-ibwal ang engkwentro sang nagligad nga domingo sa tunga sag duha ka magkaaway nga pamilya nga madugay na nga may rido ukon wala paghangpanay.
Ginpahayag ni Pikit municipal social welfare officer Imelda Balios, nga nabalaka sila karon sang pag-ginutok sang mga bakwit sa Barangay Batulawan elementary school, Dalengawen elementary school, Fort Pikit, Cotabato foundation college, Katakacan kag Balabak.
May mga bakwit man sa Galakit kag Linandangan, lunsay sakop man sang Pagalungan, Maguindanao.
Nahibaluan nga naghimo na sang tikang ang militar sa bulig sang MILF agud nga mabalik ang kalinong sa lugar.
