Ano ang himuon mo agud ipakita sa imo pinalangga nga ginahinulsulan mo ang imo pagpangluib sa iya kag tanan nga sala nga imo naubra?
Masarangan mo ayhan himuon ang gin-ubra sang isa ka lalaki matapos nga ini ang nagpa-tattoo sang listahan sang iya mga nahimu nga sala sa tiayon lakip na ang pagpangtunto.
Si Jose Torres sang pungsod Spain ang tuman nga ginkalangkaran, ginapakamalaut kag ginakadlawan sang kadam-an matapos nga naglapta sa internet ang laragway sini sa diin makita ang listahan sang iya mga nahimu nga mga sala sa iya tiayon.
Ang nasambit nga tattoo ang ginlakipan sang iya mensahe sa tiayon, bilog niya nga pangalan, petsa, kag ang makahuluya nga listahan sang iya mga nahimu nga pagpanunto sa iya tiayon nga nagsakop gid sa iya bilog nga dughan pakadto sa iya pusod.
Ini nga akto ni Torres ang may katuyuan nga mapakita kun ano ini ka sinsero sa pagpangayo sang patawad sa tanan nga mga sakit sa balatyagon nga iya nahatag sa iya nga tiayon kag agud nga mabalik ang pagsalig sini sa iya.
