KORONADAL CITY – Natumod na suno pa sang mga otoridad ang nagpatay sa mag-amay nga negosyante sa Tacurong City.
Sandig sa impormasyon nga nakuha sang Bombo Radyo Koronadal, ginkilala ang napatay nga sanday Jian Franco Villanueva Arceña, 18-anyos, soltero, estudyante kag ang amay sini nga ginkilala kay Jerson Arceña, lunsay residente sang Tacurong City.
Suno sa mga himata sang mga biktima, ginhagad suno pa ni Jian ang iya nga amay nga magpadulong sa Isulan, Sultan Kudarat sakay sang motorsiklo agud makigkita sa isa ka abyan sini.
Makaligad ini, wala na suno pa nakapauli ang mag-amay kag nabalitaan na lamang nila nga nasapwan ang bangkay sang mga bitkima sa Brgy Timbangan, Shariff, Aguak Maguindanao.
Nahibaluan nga naka-angkon sang igo sang bala ang mga biktima sa nagkalain-lain nga bahin sang ila nga lawas nga nangin rason sang ila nga kamatayon.
Nadula man ang motorsiklo, kwarta, cellphone kag mga personal nga gamit sang mga biktima.
Magluwas suno pa sa pagpangawat, may iban pa nga ginasundan nga motibo ang PNP sa ila nagapadayon nga imbestigasyon angot sa nasambit nga insidente.
Top
