KORONADAL CITY – Padayon nga nagapangibabaw ang kahadlok sang mga residente malapit sa Taal Volcano sa Batangas makaligad ini nga naglupok kag naeksperyensiyahan ang ashfall.
Sa ekslusibo nga interbyu sang Bombo Radyo Koronadal kay Nelson Salivio nga residente sang Lipa, Batangas apang tumandok sang Bacolod City, ginpahayag sini nga nakaeksperyensiya sila sang pagdagoob takna alas 6:30 kagab-i kun sa diin makit-an man ang madamol nga aso kag mga kilat halin sa nasambit nga bulkan.
Photo by Derrick Manas
Nakabugtaw man ini kaina alas 3 sang kaagahon sang nagtay-og ang magnitude 4.1 magnitude nga linog kun sa diin volcanic in origin.
Dugang ni Salivio, nagakahulog man ang dyutay nga mga bato halin sa nasambit nga bulkan.
Gin-ako man sini nga makahaladlok ang nasambit nga eksperyensiya gani nagapreparar na sila nga magbakwit sa tion nga magpaguwa sang evacuation order ang ila local government unit.
Nahibaloan nga anom ka tuig na nga nagatener sa Lipa, Batangas si Salivio.
Kun madumdoman nga kasubong nga ghost town ang mga lugar nga apektado sang nasabing volcanic eruption makaligad ginsuspinder ang klase kag pagsulod sa obra.
