KORONADAL CITY – Liwat nga nagpahanumdom ang ahensya sang DILG sa mga pumuluyo labi na sa pila ka barangay angot sa mga balita nga may pila suno pa ka mga tawo nga nagalibot nga nagapakilala bilang mga contact tracers kag ginakuha ang pila ka personal information kasubong sang bank account ukon credit card details.
Sandig ini sa ginpaguwa nga advisory sang DILG sa tanan nga local government units, nga nagamando nga ipahibalo sa publiko ukon sa ila nasakupan ang nasambit nga modus agud indi sila mabiktima.
Nahibaloan nga pila sa mga ini ang nagabaligya sang mga rapid tests kits kag nagatanyag man suno pa sang assistance sa kun sin-o man ang may luyag magpa-swab test nga gilayon suno pa makuha ang resulta.
Pagpakigbahin pa sang talatapan nga ang matuod nga contract tracers wala ginahimo ang mga nasambit nga labi na ang pagpamangkot sang mga bank details sang isa ka indibidwal.
Nagpahanumdom ang mga local Government Unit sa ila mga pumuluyo nga maghalong sa sini nga mga tawo kag gilayon nga i-report sa pinakamalapit nga kapulisan ukon barangay agud matapna ang nasambit nga modus.
