KORONADAL CITY – Ginabulubanta nga masobra napulo ka mga panimalay ang nagkalaguba lakip na ang mga salakyan sa pagpanasala sang mabaskog nga hangin ukon buhawi sa banwa sang President Quirino, Sultan Kudarat.
Suno sa PDRRMO Sultan Kudarat, tuman nga naakpektuhan ang Barangay Poblacion sang nasambit nga banwa sandig sa ginpaguwa nga Rapid Damage Assessment and Needs Analysis (RDANA) sang Local Disaster Risk Reduction and Management sang Pres. Quirino.
Bangud sa natabo, gilayon nga ginmandu ni Mayor Katrina Florida Sandigan ang pag-berepika sa mga Barangay nga posible nga naigo pa sang mabaskog nga hangin.
Sandig sa mga residente nga kasubong kabaskog sang buhawi ang nag-igo sa ila mga panimalay.
Pila sa mga salakayn man ang naguba lakip na ang salakyan ni Municipal Administrator Florante Tongo.
Sa karon, nagapadayon ang beripikasyon sa numero sang mga pamilya nga naapektuhan.
Natalana naman nga pagahatagan sang bulig ang mga apektado nga pamilya sang kalamidad.
