KORONADAL CITY – Magapangatubang sa laye ang mga lider sang World Philosophical Forum (WPF) bangud sa pagkaulamid sang pangalan sang UNESCO sa ila sini modus.
Ini ang ginpahayag ni Ryan Jose Ruiz III, isa ka biomedical scientist sa World Health Organization sa Geneva, Switzerland sa eksklusibo nga interbyu sang Bombo Radyo Koronadal
Suno kay Ruiz, nga bal-an niya ang ginahimo sang nasambit nga grupo sa ginahiwat nga pagngayo sang P520 kabaylo sang ATM kag P10,000 sa ngalan suno pa sang UNESCO.
Dugang pa sini nga kun nakabutang saila SEC registration bilang isa ka organisasyon lamang, kay indi nila pag-ilamita ang pangalan sang UNESCO sa ila website kag mga seminars agud makapang tunto.
Gin insister man sini nga kun may magasulat sang pormal nga reklamo sa United Nations kag UNESCO bangud sa ginahiwat sang WPF kay sigurado suno pa nga manabat ini sila.
Ginhatagan punto man sini nga kun gamiton lamang nila ang ka-imol para sa kaugalingon nga tinututyo, indi suno pa ini maayo kag indi man ini magdugay.
