KORONADAL CITY- Nagpahayag sang iya positibo nga paglantaw ang isa ka hukom sa pagpagwa sang memorandum order 32 ni President Rodrigo Duterte nga nagamando sang dugang nga deployment sang militar kag mga police personnel ilabi na sa Visayas kag Southern Luzon.
Sa ekslusibo nga interbyu sang Bombo Radyo Koronadal kay Judge Lorenzo Balo, sang RTC Branch 19 ng Isulan, Sultan Kudarat dako ang mabulig sang nasambit nga kamanduan agud matapna ang nagaluntad nga kalakasan sa pila ka mga lugar sa pungsod nga posible maka-apekto sa nagahilapit nga 2019 elections.
Dugang sini nga mas maayo suno pa nga indi anay pagpangunahan ang presidente ilabi na angot sa ginasiling nga posible mangin dalan ini sa pagdeklarar sang Martial Law sa bug-os nga pungsod kag kun sa tion man nga magdeklarar sang nationwide Martial Law ang presidente malayo ini sa anay Martial Law sang tion ni anay pres. Ferdinand Marcos bangud kasubong sa ginapatuman nga Martial Law sa Mindanao, functional sa gihapon ang Legislative, Executive kag Judicial branch sang gobyerno.
Mas maayo nga saligan na lamang suno pa ang kaundan sang memorandum no. 32 ilabi na kag may ground na nga nangin balasehan ang presidente sa pagpagwa sini.
