Yara na sa sulod sang presuhan ang isa ka babaye nga nagaduso sang illegal nga droga matapos nga maaresto sa isa ka drug buy-bust operation kag makuhaan sang masobra Php400,000 nga kantidad sang illegal nga droga sa Brgy. Apopong, General Santos City.
Ginkilala ang nadakpan nga suspek nga si alyas “Jelai Patoy”, 38 anyos, may bana kag residente sang nasambit nga lugar.
Nadakpan ang suspek sa sulod sang panimalay sini sang Gensan PNP, PDEA ROXII, CIU, kag RID 12 Tracker Team 12.
Nakumpiska gikan sa suspek ang anum ka pakete sang ginapatihan nga shabu nga may kabug-usan nga kantidad nga Php421,600, buy-bust money kag iban pa nga mga drug paraphernalia.
Magapangatubang naman ang suspek sang kaso nga paglapas sa RA 9165 ukon Comprehensive Dangerous Drugs Act of 2002.
