Nanindugan ang impeachment court nga may legal nga basehan ang paghalal kay Sen. Francis “Chiz” Escudero bilang presiding officer sang impeachment trial batok kay Vice President Sara Duterte, bisan pa sa pagdumili sang pila ka senador nga nagapahayag nga ang Senate President ang dapat magdumala sang proseso.
Ginpahayag ni impeachment court spokesperson Atty. Reginald Tongol nga klaro sa Konstitusyon kag sa nagapadayon nga mga resolusyon sang Senado ang legal nga basehan sang pag-amyenda sa Senate Resolution No. 39, nga naghatag dalan sa pageleher sang presiding officer.
Suno kay Tongol, wala ginadumilian sang Konstitusyon ang pag-elect sang presiding officer para sa impeachment court, kag kabahin ini sang internal rules kag proseso sang Senado.
Ginpaathag niya nga ang kasamtangan nga setup ginadisenyo agud mapadayon ang legislative agenda sang Senado sa idalom ni Senate President Sherwin Gatchalian, samtang si Escudero ang magadumala sang teknikal kag procedural nga aspeto sang impeachment proceedings.
Gindugang pa niya nga ini kabahin sang kasugtanan sang mayorya sa Senado agud masiguro nga indi madelatar ang obra sang lehislatura samtang nagapadayon ang impeachment trial.
Naeleher si Escudero bilang presiding officer sa impeachment court sa botot nga 12 pabor kag 8 nga kontra.
