Nakapagkit ang South Cotabato sang ₱148 bilyon nga Gross Domestic Product (GDP) kag 6.9 porsyento nga GDP growth rate, ang pinakamataas sa rehiyon sang SOCCSKSARGEN, suno sa State of the Province Address (SOPA) ni Governor Reynaldo Tamayo.
Ginpahayag man ni Tamayo nga nagdala ini sang ₱1.6 bilyon nga bag-o nga pamuhunan, kapin 9,000 ka bag-o nga trabaho, kag pagnubo sang poverty incidence samtang nagsaka ang employment rate sa 97.1 porsyento.
Samtang, ginkilala man ang South Cotabato bilang isa sa pinaka-kompetibo nga mga probinsya sa Pilipinas kag nag-angkon sang mga awards sa good governance, health services, disaster risk reduction, agrikultura, kag peace and order.
Gindugang sang gobernador nga padayon nga ginapalig-on sang provincial government ang suporta sa mga negosyo, micro, small kag medium enterprises (MSMEs), kooperatiba kag healthcare programs agud mapadayon ang pag-uswag kag masiguro nga mabatyagan sang mga pumuluyo ang benepisyo sang kauswagan.
