KORONADAL CITY – Apektado sa gihapon sang kalamidad ang yara sa masobra 30 ka pamilya ukon 100 indibidwal sa isa ka banwa sa probinsiya sang South Cotabato.
Ini ang ginkumpirmar ni PDRRMO chief Mila Lorca.
Suno kay Lorca, lubos nga apektado sa pag-overflow sang tubig sa suba ang Purok 1A, Brgy. Landan, Polomolok nga nakaeksperiensiya sang flashflood kag landslide nga nagresulta sa pagkaguba sang 12 ka mga puluy-an.
Nahibaluan nga ang mga IPs ang mga informal settlers sa nasambit nga area nga ginakabig naman yara sa high risk disaster prone.
Sa subong nahatagan na sang Provincial Disaster Risk Reduction and Management Office (PDRRMO) sang relief assistance ang mga biktima.
Ginrekomendar man sang PDRMMO sa LGU-Landan nga magsumiter sang request para sa financial assisstance gikan sa Provincial Governor’s Office agud nga makabakal sang duta para sa relocation area sang mga apektado nga pamilya
