Bilang kabahin sang ila nga Asian tour, natalana nga magbalik sa Pilipinas ang American pop rock band nga Maroon 5, Enero sa masunod nga tuig.
Paagi sa isa ka Facebook post, gin-anunsyo sang Live Nation Asia nga pagasugoran sang banda ang ila tour paagi sa isa ka gab-i nga show sa Mall of Asia Arena sa Enero 29, 2025.
Pagkatapos sang nasambit nga show sa Manila, ang grupo ang magahimo naman sang pitstops sa pila ka mga ASEAN cities kalakip na ang Jakarta, Bangkok, Kuala Lumpur, kag Kaohsiung.
Wala paman nagpagguwa sang iban pa nga impormasyon natuhoy sa seat plan kag ticketing details sang concert.
Ini ang magamarka sa ika-apat nga concert sang Maroon 5 sa pungsod halin sang ulihi sila nga nag-perform sa Pilipinas sang tuig 2022 para sa ila nga world tour.
Ang banda ang natukod sang tuig 1994 kag ginalakipan nanday Adam Levine, Jesse Carmichael, James Valentine, PJ Morton, Matt Flynn, Sam Farrar, Mickey Madden, kag Ryan Dusick. Kilala ang Maroon 5 sa ila mga bantog nga kanta kaangay sang “Memories,” “She Will Be Loved,” kag “Payphone.”
