KORONADAL CITY– Napuno sang luha kag kasubo ang puluy-an sang pamilya Pamilya Gulac sa Brgy. La Esperanza, Tulunan, North Cotabato kadungan sang pag-abot sang bangkay ni Sgt. Timmy Gulac, miyembro sang Philippine Marines matapos mapatay samtang nga nagapakig-aaway sa mga Maute Terror Group sa Marawi city.
Suno sa pamilyasini, ulihi nga angtawag si Gulac sang Hulyo 14 sang gab-i kag nabatian pa sang mga ini ang kabaskog sang mga lupok.
Apang pagkaaga ginkakibot na lamang sang mga ini ang balita nga isa sa mga napatay ang suldado matapos nga maigo sang duha ka bala halin sa M60.
Nadala pa sa balay bululngan si Sgt. Gulac apang gindeklarar nga dead onarrival.
Si Sgt.Timmy Gulac ang napulo na ka tuog nga nagapanerbisyo bilang Marines kag isa sa mga ginpadala bilang reinforcement sa Marawi City nga naka base sa Upi, Maguindanao.
Samtang ginahulat naman ang desisyon sang misis sini kun san-o ang natalanan nga liubong nga isa ka OFW.
