KORONADAL CITY – Personal grudge ang ginalantaw nga motibo sang mga otoridad sa pagluthang-patay sa isa ka lalaki samtang sakay sa iya motorsiklo sa Brgy GPS sini nga siyudad sang Koronadal.
Ginkilala ang biktima kay Ruel Quinoviva, yara sa legal nga pang-edaron, manubibi kag residente sang Prk Rosal, Brgy Namnama, sa nasambit nga siyudad.
Base sa inisyal nga imbestigasyon sang mga otoridad, papuli na kuntani ini sa iya puloy-an sang ginluthang ini sang wala pa nakilal-an nga mga suspek sakay ang motorsiklo kag gilayon nga nagpalagyo sa wala matumod nga direksyon.
Nakaangkon si Quinoviva sang tatlo ka igo sang bala sa iya ulo kag dughan nga tunaan sang iya hinanali nga kamatayon.
Padayon pa ang imbestigasyon sang Koronadal PNP agud matumod ang mga responsable kag mapanabat ang mga ini.
