KORONADAL CITY- Mas ginpahugtan pa sa karon ang seguridad sa probinsya sang Maguindanao kag Cotabato City makaligad ang natabo nga pagpasigabong sa Mt Carmel Cathedral sa Brgy Walled, Jolo, Sulu nga ginkapatay sang 27 katawo samtang masobra 100 ang pilason.
Ini ang kasunod suno pa sang mga espekulasyon nga may kaangtanan ang nasambit nga pagpang-atake sa nangin resulta sang plebisito sang Bangsamoro Organic Law ukon BOL kun sa diin nagmadinalag-on ang “no votes” sa Sulu.
Sa esklusibo nga interbyu sang Bombo Radyo Koronadal kay Western Mindanao Command (WesMinComm) Spokesperson Col. Gerry Besana, indi dapat nga magpakampante ang security forces mangin ang publiko ilabi na sa mga madamo nga tawo agud nga indi na maliwat pa ang nasambit nga pag-atake.
Kadungan sini, nagakadapat man suno pa nga mas maphugtan pa nag seguridad kag mangin mas alerto ang Maguindanao kag Cotabato City nga amo naman ang masami nga target sang mga lawless elements.
Samtang, suno naman sa pgdumala sang Mt Carmel Cathedral pinaagi kay Fr. Jeff Nadua, Father Rector sang nasambit nga simbahan, nagapati ini nga wala sang kaangtanan ang BOL Plebiscite sa asod-asod nga pagpamomba sa ila nga lugar.
