Kabombo! Ang panaad nga “Til Death Do Us Part” daw may limitasyon man gali kun parte na sang pagdonar sang organ!
Isa ka mag-asawa sa South Korea ang nagbulagay matapos magbalibad ang asawa nga magdonar sang parte sang iya atay para sa iya mister nga may tuman nga balatian kag nagakinahanglan sang transplant.
Suno sa report, 95 porsiyento ang pagkapareho sang asawa bilang posible nga donor. Apang, nagbalibad ini bangud sa kahadlok sa operasyon kag sa posibilidad nga mabilin nga wala sang iloy ang ila duha ka kabataan.
Nakakita man sang iban nga donor ang mister kag madinalag-on nga naoperahan.
Apang, ginpadayon niya ang kaso batok sa asawa, nga wala ginpaboran sang korte.
Suno sa hukom, ang pagdonar sang organ personal nga desisyon kag indi obligasyon bisan pa sa tunga sang mag-asawa.
Nakuha sang asawa ang kustodiya sang ila kabataan kag nagsugot nga maghatag sang pinansyal nga suporta para sa pagpaayo sang iya anay mister.
Sa ulihi, ang indi ang indi pag-sugot nga i-donate ang atay ang nagtuga sang diborsyo kundi ang indi paghangpangay sang duha ka anay mag-asawa.
