KORONADAL CITY – Nagpaathag ang talatapan sang LTFRB-12 angot sa pagbyahe sang pampubliko nga mga salakyan kadungan sa pagpatuman sang general community quarantine sa siyudad sang Koronadal.
Ini makaligad gin-hold ang mga operator kag driver sa Koronadal City Integrated Terminal kag wala ginpahanugotan nga makabiyahe.
Ginpahayag ni LTFRB-12 regional director Paterno Padua, nga antes magbyahe ang public transport vehicles, kinahanglan anay nga magkuha sang special permit sa ila nga talatapan.
Mahimo man suno pa nga magbyahe sa mga ruta nga gin-abrihan apang ginadumilian ang cross-border bangud sa mando sang local government unit.
Mahimo naman suno pa maangkon ang nasambit nga permit pinaagi sa online nga application.
Ginhatagan punto sini nga dapat may yara sang special permit ang isa ka public transport vehicle ilabi na nga suspendido pa subong ang transportasyon tubtob ginapatuman ang GCQ sa siyudad sang Koronadal kag probinsya sang South Cotabato.
