KORONADAL CITY – Nagluntad ang isa ka minor nga pagkatiphag sang duta bangud sa mabaskog nga pagbunok sang ulan sa bahin sang Sitio El nalam , Barangay Assumption ,Koronadal.
Ini ang ginkumperma ni Cyrus Urbano, CDRRMO-Koronadal sa interview sang Bombo Radyo .
Suno sa opisyal, natiphag ang parte sang duta kun sa diin apektado ang alagyan sang mga residente sa amu nga lugar labi na sang mga commuters nga halin sa nabukid nga bahin sang amu nga barangay.
May nagluntad man nga pagkatiphag sa steel bridge padulong sa KNCHS extension.
Dugang pa sang opisyal, ginkinahanglan man sang intevention nagikan sa LGU- sang syudad kasubong sang slope protection para malikawan ang amu nga panghilitabo.
Sa saubong ginapangitaan na sang budget sang Gobyerno Lokal sang Koronadal ang concrete nga slope protection para malikawan ang erosion sa ukon landslide sa nasambit nga lugar.
