Pormal nga ginpatuman sang Estados Unidos ang bag-o nga 12.5% nga taripa sa mga eksport sang Pilipinas, kaupod ang 60 ka iban pa nga trading partners, bilang kabahin sang mas hugot nga polisiya sa patigayon sang administrasyon ni US President Donald Trump.
Bangud sini, ang mga produkto sang Pilipinas nga ginapaeksport pakadto sa Estados Unidos magabayad sang mas mataas nga import duties, dugang sa una nga 10% blanket tariff nga una na ginpatuman.
Suno sa administrasyon sang US, ang bag-o nga taripa nagatumong sa mga pungsod nga wala sang igo nga tikang agud mapugngan ang pagbaligya sang mga produkto nga ginahimo pinaagi sa forced labor.
Suno naman kay US Trade Representative Jamieson Greer, ang tikang nagatinguha sa pagpakunhod sang paggamit sang forced labor kag sa pagpauswag sang patas kag responsable nga patigayon sa tunga sang mga trading partners.
