Humalin sa pagubra sang pizza sa isa ka pizzeria sa Lower East Side sang New York, gilayon nga nagsulod si Christiano Wennmann sa kalibutan sang high fashion matapos siya matukiban sang assistant sang designer nga si Willy Chavarria nga may potensyal ini.
Si Wennmann, 24 anyos, nagaobra humalin sa tion sa Scarr’s Pizza sang nadiskubre siya sang team ni Chavarria pila lang ka semana antes sang Paris Fashion Week.
Ginkuha siya nga magmodelo para sa underwear collection sang brand, isa ka kahigayunan nga wala niya ginpaabot pero gilayon niya ginbaton.
Bisan kulang sa eksperyensya sa modeling, nangin madinalag-on ang debut ni Wennmann sa Paris Fashion Week.
Dako ang bulig ni Chavarria kag sang iya team sa paghatag sang kumpiyansa sa bag-o lang nga modelo.
Mismo si Chavarria nagsiling, “You’re already a star.”
Pagkatapos sang iya malampuwason nga rampa sa Paris, gilayon siya napirma sa isa ka kilala nga modeling agency.
Naka-upod man siya sa mga proyekto sang iban nga designers pareho kay Sami Miro, kag nakita sa mga fashion publication nga HERO kag Dazed.
Bisan pa sa iya madason nga pag-asenso sa industriya, nagapabilin nga yano kag grounded si Wennmann. Padayon gihapon siya nga nagaobra sa Scarr’s Pizza kag wala pa plano nga bayaan ang iya daan nga trabaho.
