Isa ka lalaki sa pungsod Turkey ang naghimo sang hawla agud ikulong ang iya ulo, kag ginapatago pa sini sa iya asawa ang yabi sini agud sigurado nga indi niya ini mabuksan.
Siya amo si Ibrahim Yucel, 42-anyos, sang pungsod Turkey kag pamilyado na.
Sa una, ginpamatukan pa sang iya pamilya ang kaladlawan nga ideya sini apang sang ulihi, nakita nila sini ang positibo nga epekto sini sa ila padre de pamilya.
Suno kay Ibrahim, ini lang ang iya nakita nga solusyon agud mauntat na ang masobra 26-anyos sini nga bisyo nga pagpanigarilyo, bangud pila n aka beses sini gintestingan nga mag-untat apang nagakapaslawan ini.
Bangud sa kahadlok nga magpareho ini sa nadangatan sang iya amay nga namatay sa lung cancer, naisipan sini nga maghimo sang hawla sa diin imposible nga makaigo ang sigarilyo sa buho sini, agud lamang makalikaw sa pagpanigarilyo.
