Lauman sang mga motorista ang panibag-o nga hugna sang pagnubo sa presyo sang kurudo kag kerosene sa masunod nga semana, samtang posibli naman magsaka ang gasolina.
![](https://img.bomboradyo.com/koronadal/2024/07/gasoline-1.jpg)
Suno kay Department of Energy-Oil Industry Management Bureau Director III Rodela Romero, kun basehan ang oil trading sa nakaligad nga apat ka adlaw, magahulag ang presyo sang gatong sa masunod nga semana.
Suno pa kay Romero, posibli indi magbag-o ukon magsaka man sang P0.20 ang presyo sang kada litro sang gasolina.
Samtang maganubo naman sang P0.30 tubtob P0.60 ang kada litro sang kurudo kag P0.60 tubtob P0.70 sa kerosene.
Ang resulta naman sang trading subong nga adlaw ang magatumod sa final adjustments sa presyo.
Nahibaluan nga ang pinakaulihi nga pagbag-o sa presyo ang nagresulta sa year-to-date total adjusments nga P10.25 nga saka sa kada litro sang gasolina, P8.15 sa kurudo, kag P1.20 sa kerosene.