Pilason ang duha ka babaye matapos nga gin araro ang motor sang isa ka honda civic sa prk, pulongtrinidad, brgy zone 1, Syiyudad sang Kronadal sang gab-i pasado alas 10 sang Marso 19, 2025.
Suno naman kay Police Chief Master Gandi Basan, Head Traffic Section sang Koronadal Traffic Section sa interview sang Bombo Radyo Koronadal, samtang nagasubay sang parehas nga direksyon ang isa ka raider FI ,nga ginamaneho ni Nursalyn Tibang , 23 anyos, residente sang Brgy San Jose, siyudad sang Koronadal kag isa ka Honda Civic nga gina maneho ni Benjie Bilbao, 33 anyos, kag residente sang Prk Hillside, Brgy. Sta Cruz, siyudad sang Koronadal nga, hinali nga gin araro sang Honda Civic ang raider FI nga nangin rason sang pagkahulog sang duha ka babaye nga sakay sini kag nakaagom sang pilas sa lawas.
Madali man nga gindala sa balay bululngan ang mga babaye kag sa karon padayon nga nagapabulong
Nahibaluan pa nga nakainom sang makahulubog nga ilimnon ang driver sang Honda Civic.
Padayon pa ang disposasyon kag sa karon yara na sa kustodiya sang kapulisan ang mga imbolbado nga salakyan.
