KORONADAL CITY- Nagalaum si South Cotabato TESDA Director Engr. Talib Bayabao nga malimpyuhan na ang pangalan sini matapos ginbasura ni Koronadal City Prosecutor Arnold Cruz ang kaso nga rebelyon nga nagaangot sa iya sa nagapadayon nga Marawi siege sa Lanao del Sur.
Ini bangud wala makitaan sang mabakod nga basehan ukon probable cause ang kaso nga ginpasaka batuk kay Bayabao nga nagaangot sa iya sa ISIS-MAUTE nga ginpahayag siya ang supporter, financier kag courier sang terorista nga grupo.
Kun madumduman nga ginmandu ni Department of National Defense kag Martial Law administrator Delfin Lorenzana ang pag-arestar sa iya kun boluntaryo ini nga nagsungka sa South Cotabato PNP sang nagligad nga bulan.
Sa subong, hilway na ang nasambit nga opisyal apang indi sa gihopon luwas sa anuman nga kaso sa oras nga may maguwa nga mabug-at nga ebidensya batuk sa iya kag posible sa gihapon nga mapasakaan sang kaso.
