Kabalaka sang covid-19 transmission sang mga residente nga apektado sa kalamidad sa Banga, South Cotabato ginkakas sang alkalde
KORONADAL CITY – Ginkakas sang alkalde sang Banga, South Cotabato ang kabalaka sang mga pumuluyo sang lugar angot sa mangin evacuation center nga malapit suno pa sa isolation facility sang mga LSIs kag ROFs.
Suno kay Banga Mayor Albert Palencia, tuman suno pa ka layo sa komunidad nga may malatnan sang COVID 19 bangud ang nasambit nga barangay sa banwa ang yara lamang sa isa ka barangay samtang ang pagahimoon nga evacuation center naman amo mismo ang municipal gym.
Samtang nagpahanumdom man ang alkalde sa iya mga pumuluyo nga mangin alerto sa mga posible pa nga kalamidad agud mabuhinan ang mangin damyos.
Kun madumdoman, padayon ang ginapatigayon nga damage assesment sang LGU Banga bangud sa mga nangin apektado sang buhawi sa duha ka barangay samtang ginaasikaso ang nagakaigo nga bulig sa napatay nga indibidwal bangud sa kilat makaligad ang pagbubo sang mabaskog nga ulan.
