Magapadulong sa pungsod Pilipinas ang Italian carrier strike group matapos magpasakop sa war games kaupod ang Estados Unidos kag mga kaalyado nga pungsod sa Australia.
Suno sa senior Italian navy official, ini ang labing una nga deployment sang Italian carrier strike group sa Indo-Pacific region sa South China Sea.
Ang ini nga plano ang sa pihak sang tensyon sa South China Sea bangud sa padayon nga pag-angkon sang Biejing sa teritoryo nga indi nila sakop basi sa arbitral ruling.
Nahibaluan nga ginakabig strategic waterway ang South China Sea bangud 40% sang foreign trade sang Uropa ang nagalabay diri.
Sa tiun matapos ang paghanas sa Agosto 2 sa Australia, magabiyahe ang 1,200-person strong Italian carrier strike group padulong sa US Pacific territory sa Guam kag Japan, antis ini maglabay sa South China Sea padulong sa Pilipinas sa labing una nga kahigayunan.
