KORONADAL CITY- Tuman nga trauma ang gina-eksperyensya sang 32 ka mga sibilyan nga kasamtangan nga na-trap subong sa isa ka edifisyo sa Marawi City bangud sa presensya sang ginatawag nga ISIS terrorist group nga yara lamang malapit sa ila ginataguan.
Suno kay Bonjing tuman ang ila kahadlok bangud pila sa mga myembro sang ISIS ang ginatilawan na nga sudlon ang ila ginataguan samtang sila ang mahipos nga nagatago sa edifisyo kag nagapanilag sa palibot.
Ginakabalak-an man nila ang 11 ka mga bata nga nagamasakit na bangud sa tuman nga nerbyos.
Pila ka bes man ang mga ini nga nagpadala sang mensahe sa Bombo Radyo Koronadal nga sa oras nga mahibaluan sang mga terorista nga grupo ang ila ginataguan, paga-utdan sila sang ulo ilabi na nga tanan sila ang lunsay mga kristyano.
Samtang suno sa LGU Marawi, ginakasubo nila nga apisar luyag nila nga gilayon ma rescue ang mga sibilyan sang militar, indi nila mahimo bangud madamo sang sniper sa palibot kag mabudlay ma penetrate ang lugar.
Sa subong pangamuyo ang ila nga ginahimo nga proteksyon samtang sila ang naipit sa kinagamo.
