Naigo sang air strike ang isa ka eskwelahan sa Zeitoun area sa Gaza nga nagresulta sa pagkamatay sang 22 ka tawo sa sininga Sabado.
Suno sa imbestigasyon sang Gaza Health Ministry, nakapagtala sila sang halos 30 ka tawo nga nasugatan sa insidente.
Kadam-an sa mga napatay amo ang mga kabataan kag kababaihan.
Ginpabulaanan sang Israel nga ginsadya nila nga palukpon ang nasambit nga eskwelahan.
Ginsiling nila nga ang ila target amo ang command and control center sang Hamas nga ara sa sulod sang isa ka indi tukoy nga eskwelahan.
Sa pareho nga adlaw, nag-anunsyo ang health ministry sang Gaza nga lima sa ila mga empleyado ang napatay kag lima ang napilasan tungod sa mga pag-atake sang Israel sa mga warehouse sa habagatang bahin sang Musbah area.
Samtang, nagapadayon ang kinagamo sang duha ka mga pungsod nga nagresulta sa madamo nga mga kasubo nga bilang sang mga napatay, lakip na ang mga bata, tigulang, kag mga babayi.
Ang mga pag-atake sang Israel taliwas sa ila pangako nga limitaho ang mga biktima nga mga kabataan.
Ginsiling man sang ila militar nga indi nila iguon sang air strike ang mga ospital kag eskwelahan.
