Sa lugar naman sa Hongkong, sa pagselebrar sang Chinese New year, indi suno pa parehas sa mga pinoy nga dapat kuntani nga may ara sang garbo nga selebrasyon kag mga lutong bahay, kundi nakadepende ini kung gusto nila mag luto ukon mag order lang sa gawas.
Ini ang nangin pahayag ni Ailyn Belonio Cabangbang, Bombo International Correspondent to Hongkong sa interbyu sang Bombo Radyo Koronadal.
Suno sa iya, naga salubong man sila sang new year pinaagi sa isa ka dinner kag magtakop man sila pinaagi gihapon sa dinner.
Gin-athag man ni Cabangbang, nga isa ka tradisyon sang mga Chinese ang pagsuksok sang pula para sa blessings kag malas man suno pa ang pagsuksok sang itom sa Chinese New Year.
Ang ila exchange gift naman sa Hongkong pinaagi naman sa Red Envelope ukon tawgon naton nga “hóngbāo”.
Ang nasambit nga “hóngbāo” hindi lang ini bangud may kwarta sa sulod kundi ang pula nga duag sini isa ka simbolo sang swerte kag prosperidad sa mga Chinese.
Katatlo na nga tuig nga naeksperyensiya si Cabangbang sang Chinese New year sa Hongkong kag iya man ginabugal nga masadya kag madinuagon ang pagtipon tipon sang mga tawo para sa pag selebrar sang Chinese New Year.
