KORONADAL CITY – Nagpatigayon sang hublag protesta sa atubangan sang National Food Authority (NFA) ang grupo sang mga mangunguma sa South Cotabato agud nga ipanawagan ang ila nga panawagan sa tuman ka barato nga presyo sang humay.
Bitbit sang mga mangunguma ang mga plakard nga nagapanawagan nga ibasura ang Rice Tarrification Law (RTL) kag baklon ang mga produkto nga humay sang mga local farmers.
Nagpatigayon man sang ceremonial burning sang humay sa atubangan sang NFA ang mga mangunguma.
Ginaduso man sang mga ini nga dugangan sang gobyerno ang pundo sang NFA sa procurement sang humay sang mga mangunguma.
Kaupod m an sang mga ini ang grupo sang Bantay Bigas-South Cotabato nga nagpatigayon sang rally.
Bilang sabat, ginpahayag ni NFA South Cotabato Manager Nelson Sañada nga ginarespeto nila ang ginahimo sang mga mangunguma kag ginpasiguro nga magapadayon ang ila pagbakal sang humay agud sila ang mabuligan.
