Ginpanghiwala sang gobyerno sang Jordan ang mga report nga nagmando ini sang pagsarado sa Aqaba International Airport kag pantalan kasunod sang paandam gikan sa Embahada sang Estados Unidos nahanungod sa ginaalegar nga pamahog sa seguridad sa mga pasilidad.
Nagpahayag ang tigpamaba sang gobyerno sang Jordan nga si Mohammad al-Momani nga wala nagpaguwa sang mando ang mga otoridad para sa mga pasahero kag mga mamumugon nga mag-ibakwit, kag nga ang mga operasyon sa Aqaba airport kag seaport nagapabilin nga normal.
Ginhatagan man niya sang importansya nga wala sang posible nga mga pamahog sa seguridad ang natukiban.
Ang U.S. Embassy sa Amman nagpahayag na nga ang Aqaba airport kag seaport gin-evacuate bangud sa wala ginsambit nga pamahog, bisan pa nga wala ini naghatag sang dugang nga detalye nahanungod sa pag-angkon.
Samtang, ginreport sang U.S military nga duha sa ila mga suldado ang napatay kag isa pa ang missing kasunod sang pag-atake halin sa Iran sa Jordan.
Bangud sini, nagpaandam si Supreme Leader Ayatollah Ali Khamenei sang Iran nga manabat ang Washington sa ginaalegar nga nagadugang nga tensyon sa ikapito nga asod-asod nga gab-i sang mga airstrike sang Amerika.
