KORONADAL CITY – Nakaangkon sang kabug-usan nga 37 ka buno sa nakalian lain nga parte sang lawas ang 55-anyos nga Ginang nga gin patay sa Barangay Rotonda, Koronadal City, Biyernes sang gab-i.
Ini suno pa nga nag guwa sa resulta nga post mortem examination sa bangkay sang biktima nga si Carol Sunga Fuentes nga residente sang Purok Garcia, Brgy.Rotonda, Koronadal City.
Sa interbyu sang Bombo Radyo Koronadal kay Police Lt. Col Joefel Siason, hepe sang Koronadal City PNP, magluwas nga gin kompirmar nga 37 ka buno sa lawas sang biktima nga napamatud-an nga wala ini gin lugos kasubong nga nag guwa sa report makaligad nga nasapawan nga wala sang under wear ang biktima.
Gani, klaro suno pa nga may kaakig ang suspek nga nag patay sa biktima sa sulod mismo sang iya nga panimalay.
Kabahin sini, gin pasiguro ni Siason nga may lead na sila kag sa pagkamatuod nahibaluan sang mga ini ang mga persons of interest sa pagpatay kay Fuentes.
Sa Subong, hangyo sang pamilya sang biktima ang privacy samtang naka haya si Fuentes apang naga singgitan ang mga ini sang hustisya sa brutal nga pagpatay sa iya.
Una Diri, naga pati ang pamilya sang biktima nga isa sa mga suspek ang karelasyon sini bangud ini suno pa masami nga kaupod sang biktima sa pag Count sang Kwarta halin sa gina pautang.
