Dako ang epekto sang pag-angkon sang China sa West Philippine Sea kasubong sang food kag energy security sa pungsod.
Ini ang nangin pahayag ni Commodore Jay Tristan Tarriela- PCG Spokesperson sang West Philippine Sea, sa interview sang Bombo Radyo Koronadal.
Suno kay Tarriela, dako ang epekto sa ginahimo nga pag-angkon sang China sa kadagatan nga teritoryo sang Pilipinas bangud ini makahatag sang halit sa pagkaon kag enerhiya nga kahimtang sang pungsod.
Gindugang pa ni Tarriela nga ang pagpakigbato sa teritoryo sang pungsod ang nagapakita sang pagka-Pilipino sang kada isa.
Samtang, ginpahayag man ni Tarriela nga padayon ang committment sang Presidente Ferdinand Marcos Jr. sa pagpakigbato sa katungdanan sang Pilipinas sa West Philippine Sea.
Nagpanawagan si Tarriela sa publiko sa diin man nga lugar sa pungsod nga padayon nga magpakigbato para sa West Philippine Sea para sa magsunod nga henerasyon sang mga Pilipino.
