KORONADAL CITY – Gilayon nga nagsabat ang South Cotabato provincial government sa paghatag sang bulig para sa mga residente nga apektado sang magnitude 6.6 nga linog sa North Cotabato.
Sa interbyu sang Bombo Radyo Koronadal kay DSWD-12 spokesperson Dennis Domingo, ila nga ginpadala ang mga personnel pakadto sa mga apektado nga banwa sang Kidapawan, Mlang kag Tulunan agud magdul-ong sang bulig kun sa diin yara sa P1 milyon nga balor sang food assistance ang ila napanagtag sa nasambit nga mga banwa.
Magluwas diri, ginpadala man ang mga stress debriefers agud pakalmahon ang mga tawo nga na-trauma sa nasambit nga linog.
Ginmando naman ni South Cotabato governor Reynaldo Tamayo Jr. ang pagpain sang P2 milyon nga bulig para sa North Cotabato, apang kinahanglan anay nila nga makig-angot sa North Cotabato provincial government agud malikawan ang duplication ukon pagdoble sang mga suplay.
Una na nga nagapanawagan ang mga residente nga tuman nila nga kinahanglan ang suplay sang pagkaon, tubig, bulong, panapton, sleeping kits, tent kag flashlight bangud sa wala sang suplay sang kuryente makaligad ang mabaskog nga linog.
Mangin si Tulunan vice mayor Maureen Villamor ang aminado nga limitado lamang ang bulig nga ila mabaton.TopPost Reply 1 post • Page 1 of 1
