KORONADAL CITY – Suportado sang Filipino Community sa South Korea ang kandidatura sang isa ka Pinay sa ulihi nga adlaw sang piniliay sa South Korea apang baliskad naman ang kaakig nga ginapakita sa iya sang mga Korean nationals.
Ini bangud nagapadayon ang eleksyon sa South Korea sa pihak sang kahalitan nga dala sang COVID-19 pandemic sa bug-os nga kalibutan.
Sa eksklusibo nga interbyu sang Bombo Radyo Koronadal kay Girlie Simpao Yoon, nga naka asawa sang isa ka Koreano kag tumandok sang Lake Sebu, ginpahayag sini nga ginabantayan nila ang mangin resulta sang eleksiyon sa nasambit nga pungsod.
Wala suno pa nagapabaya ang Filipino Community sa pagsuporta sa kandidatura sang Pinay nga si Jasmine Bacurnay Lee, isa ka South korean television personality, actress kag civil servant.
Suno kay Yoon, si Lee isa ka elected proportional representative sa South Korea’s National Assembly sang 2012 kag pinakauna nga non-ethic Korean kag naturalized South korean nga nangin lawmaker.
Ang nasmbit nga Pinay ang nakagradwar sa Ateneo de Davao University kag nakaasawa sang kreoano sa nasambit nga pungsod.// Dugang ni Yoon nga sa pihak sang coronavirus threat, makit-an sa gihapon sini ang paguwa sang mga Koreano sa pagboto nga naka facemask.
Sa subong apisar nilibo ang ginakabig nga PUM amat amat na nga nakabawi ang mga Koreano.
