KORONADAL CITY- Positibo ang paglantaw ni MILF vice chairman for political affairs Ghadzali Jaafar sa nagahilapit nga plebisito para sa Bangsamoro Organic Law ukon BOL sa Enero 21, 2019 kun sa diin suno kay Jaafar mas nagdamo pa ang ila nabaton nga mga suporta halin sa Bangsamoro people.
Sa ekslusibo nga interbyu sang Bombo Radyo Koronadal kay Jaafar, masako sila subong ilabi na nga nagsugid na ang kampanya para sa igapatigayon nga plebisito kun sa diin sentro sang mga aktibidad ang ginapatigayon sa Cotabato City samtang pagabisitahon man ang mga lugar nga mangin kabahin sang Bangsamoro region kasubong sang Tawi-Tawi, Sulu, Basilan, Lanao del Sur pila ka munisipalidad sang Lanao del Norte kag 39 ka mga barangay sa North Cotabato.
Samtang sa pihak nga bahin, yara naman sa Maguindanao ang European Union delegation to the Philippines sa pagpanguna ni Mr. Loannis Kleisiaris.
Nahibaluan nga ang pagbisita sang mga miyembro sang European Union ang kabahin sanag ila preparasyon para sa exploratory mission kun sa diin gina imbitaran sila sang Commission on Elections o COMELEC para sa obserbasyon sang nagahilapit nga plebisito sa Bangsamoro Organic Law o BOL.
